N’gâng kan ndâk nkra mhe geh nau đă tât Thủ tướng Chính phủ mpeh nau kan ntuh kơl bôk nau kan ndâk nkra trong hăn ngăch Quảng Ngãi-Kon Tum. Tĭng nê, nau kan jong 144km, hao nklăp 8km rđil nau nchrăp bôk năp yor ntŭk ntu gung trong jêr tâm ntŭk yôk Violắc ndrel yôk Măng Đen. Ntŭk tơm lah km0+000 tâm nthoi ma trong hăn ngăch Bắc-Nam mpeh ba dâng nkuăl Đức Phổ, n’gor Quảng Ngãi ndrel dăch dŭt lah trong hăn ngăch Bắc-Nam tâm dăch ma mpeh ba dâng bah nkuăl ƀon têh Kon Tum (n’gor Kon Tum).

Trong aơ geh ntuh kơl nkra 4 mbor ndeh hăn, nau ngăch nkra ân nchuăt 100km/h. Rnoh ntuh kơl bah nau kan aơ nklăp 44.300 rmen. Tâm nê, ăp nkuăl ân ndơn nau pă tơm prăk ân nau ntrơn ntŭk; tơm prăk Trung ương pă ntŭk trong rnglăp ƀư ndrel ăp tơm prăk hôm e. N’gâng kan ndâk nkra kŏ nchrăp ƀư nau kan ntơm bôk năm aơ, ndâk tâm dŭt năm 2026, ƀư jêh ndrel lăp dŏng tâm khay 12/2029./.