Kêng măng 16/3, Bộ Chỉ huy Quân sự n’gor Dak Lak ƀư Tâm nchră nkoch trêng, mbơh lam lôch jêh Đại hội đại biểu lam dak tâl XIV bah Đảng Cộng sản Việt Nam; nkre đăm gĭt jru nkô̆ ăp Nghị quyết mbrô 79 n’hanh Nghị quyết mbrô 80 bah Bộ Chính trị, ndrel du đêt siƀŭt mhe geh tât nău dơn kan njrăng n’gang neh dak, tahen ăp gưl tâm nô nău mhe.

Ta tâm nchră, ăp đại biểu hŏ mbơh lư ăp nkô̆ tơm, n’gu glo bah Đại hội Đại biểu Lam dak tâl XIV bah Đảng. Tâm nê lah rjăp ăp nău mĭn, rnoh ŭch tât, nău dơn kan n’hanh trong nkra hun hao neh dak tâm rơh mhe. Tâm nchră rgum nkoch trêng, đăm gĭt jru nkô̆ Nghị quyết mbrô 79 mpeh hun hao wăng sa ngih dak n’hanh Nghị quyết mbrô 80 mpeh hun hao văn hóa Việt Nam tâm rơh mhe. Ăp nkô̆ dơi nkoch mbơh kơl cán bộ, tahen n’gor năl kloh lơn nău khlay bah wăng sa ngih dak tâm ntŭk tăch rgâl rƀŏng tât xã hội chủ nghĩa; nkre lah rjăp nău khlay bah nău rdâk njêng jâng nsing văn hóa Việt Nam têh blău mhe, săk tơm rnoi nuĭh, rgop jêng jâng nsing nuih n’hâm nâp an n’gâng kan rdâk njêng n’hanh mât njrăng neh dak. ndrel đah nê, tâm nchră hôm mbơh lư du đêt siƀŭt njuăl mhe bah Bộ Quốc phòng geh tât nău dơn kan tahen, njrăng n’gang neh dak, rdâk njêng mpôl tahen n’hanh nchrăp rlăch ndăng rdâng lơh tay đŏng./.