Ta năp nău đă dăp tay ntŭk kan hành chính gưl n’gor, mbra geh nklăp 1.000 cán bộ công chức ta n’gor Phú Yên hăn ncho ndeh hăn Dak Lak pah kan tâm nău 2 n’gor aơ rgum lăp nsum. UBND n’gor Dak Lak dôl ndâk njêng trong ƀư ndơ̆ wơt, đăp mpăn nău hăn dơi dơh, đăp mpăn n’hanh ngăch.

Aƀaơ ta ntŭk 2 n’gor geh dĭng lĕ nklăp 150 bôk ndeh pah kan (tâm nĕ Dak Lak geh 90 bôk ndeh, Phú Yên nklăp 60 bôk ndeh), ndrel đah bơi 80 bôk ndeh dơi manh bah ăp doanh nghiệp nchuăn rdêng. Nchrăp trok prăk manh ndeh rdêng rgum an nklăp 616 nuĭh (tâm ban 70% dĭng lĕ cán bộ, công chức) kơp êng nklăp 1 rmen prăk du khay. Tơm prăk ƀư nău nchrăp bah tơm prăk n’gỏ, Trung ương ntop kơl, ndrel nău dŏng êng prăk nơm bah cán bộ mô geh nău ŭch hăn kan ƀa ƀơ.