Tât aƀaơ, n’gor Kon Tum lĕ jao an nklăp 2.000 mlâm jay mhe an nuĭh ƀon lan, rgop kơl hang rbăn rnăk bah nău gŭ ngih truh sat. Tâm nĕ, geh rlău 1.500 mlâm jay mhe n’hanh bơi 450 mlâm jay dơi nkra. Kon Rẫy n’hanh Đăk Hà lah 2 nkuăl bôk năp lôch jêh nău rƀŏng aơ. N’gor geh nău rƀŏng dŭt khay 6 mbra lôch jêh nău jut ngih rông mpông sat an 2.240 rnăk.

Yơn lah, aƀaơ geh 786 rnăk dôl ndâk ƀư, dŭt âk ta ăp nkuăl Đăk Glei, Kon Plông, Tu Mơ Rông. Trong kan hôm e âk jêr jŏt kơt mô hŏ dơi tâm pă rlău 5 rmen prăk ntop kơl jay gŭ an nuĭh geh soan; du đêt ntŭk kan mô hŏ njuăl 13 rmen prăk lĕ ton; Đăk Glei mô tŏng nuĭh kan ntop kơl. Rlău am nĕ, tâm rnôk kơp uănh, ntoh tay rlău 1.300 geh nău ŭch dơi ntop kơl đah jay gŭ gay đăp mpăn nău rêh jŏ jong.