Yan wai 2025-2026 mhe rlău, trong kan joi, rgum nting tahen lĕ khĭt tahen kơl kan n’hanh nuĭh way kan Việt Nam khĭt ta Campuchia rlău ăp rơh tâm lơh tâm su dơi 2 ding tâm rgop ntĭm rđău, ƀĭt joet ƀư tŏng ăp tĭng Samƀŭt nchih ký ton ăp năm. Nău kan ndrel, tâm rgâl, mkra ăp nău geh tât dơi ƀư rjăp.

Đah nău nsrôih mô rlu bah Rmôt K51 (N’gâng kan ntĭm rđău tahen n’gor Dak Lak) n’hanh nău uănh tât, kơl bah n’gâng kan n’hanh ăp ngih pah kan dơi kan n’gor Mondulkiri ntrôl dăng trong kan nkoch trêng, pă an nău mbơh, mbơh ƀư rmôt ntop kơl ta ăp ntŭk, tât aƀaơ lĕ rgum geh 22 nting tahen Việt Nam (mô hŏ dơi năl săk). 2 Ban chuyên trách lĕ tâm rgâl, tâm ban ŭch nău ƀư dăn huêng phan, jao an n’hanh ndơ̆ nting tahen sĭt n’gor Dak Lak nchrăp ƀư lơ 27/5, tĭng di nău way ƀư n’hanh nău way bah Campuchia. 2 ding tâm ban ŭch ăp nkô̆ nău geh tât trong kan joi, rgum môch tahen khĭt tâm năm bah năp tay./.