Kêng măng 22/4, UBND n’gor Dak Lak ƀư rơh hop way nkô̆ mpeh rgâl dơh glêh siƀŭt, rgum droh rklaih ăp kô̆ yơn kol khan tâm Rnoh rgâl dơh glêh siƀŭt n’hanh n’hao nău dơi tâm rlong gưl n’gor. N’gor Dak Lak ntrŏng rgâl dơh glêh siƀŭt lah rêng ƀư đăt ndal, nkre đah nău dơn kan nuĭh dâk bôk năp. Năm 2026, Dak Lak n’gluh rnoh tât koh n’hŭch 15% siƀŭt, 10% tâm nchră; 100% siƀŭt ƀư ma trong du mpông; koh hŭch 50% mông nar, prăk ƀư siƀŭt an doanh nghiệp.

Dak Lak n’gluh rnoh tât lăp tâm rmôt 10 n’gor dâk leo lor mpeh rgâl dơh glêh siƀŭt. Rgum tơm rgâl dơh glêh siƀŭt lah ntrôl dăng rgâl mbrô, đah nău ŭch geh keh mbrô lam lĕ rngôch siƀŭt sitra, buăt nthoi ăp kôp đah Mpông lăp rhŏ dŏng gưl neh dak, đăp mpăn di rêng kloh rvah, groi nđôi mbơh kloh. Ăp trong kan ntoh luh âk kơt neh ntu mbra dơi n’hao dăng ôp uănh, rmal lhăt nău đek mân; tĭng ƀư dăn nău yô̆ rnôk mbrơi ƀư siƀŭt. N’gor ntrôl dăng tâm dâl nău đah nuĭh ƀon lan, doanh nghiệp gay an năl nău dơi tam rgâl dơh glêh siƀŭt.