Ndơn măt kruanh Đảng, Ngih dak, Thủ tướng Lê Minh Hưng jao an ndơ nkhôm “Anh hùng lực lượng vũ trang nhân dân” an Rmôt vũ trang Quân khu 4. Aơ lah ndơ nkhôm têh khlay bah Đảng, Ngih dak n’hanh nuĭh ƀon lan, djôt dơn ăp nău geh têh khlay, nkre lah rjăp, lịch sử lĕ jao an Quân khu 4 ăp ntŭl rlong têh.

Nkoch kloh, Neh dak dôl lăp du trong hăn mhe n’gluh an nău đă, nău kan mhe đah nău kan mât njrăng bri dak, rnă njrăng n’hanh mât njrăng neh dak, an Tahen, tâm nĕ geh Quân khu 4, Thủ tướng đă, rmôt vũ trang Quân khu 4 rgum mât uănh rjăp nău mĭn, nău wât mhe mpeh mât njrăng neh dak, njrăng n’gang neh dak tĭng Nghị quyết Đại hội 14 bah Đảng; ƀư uĕh trong kan nchroh mbơh, tâm ôp tâm nchră mpeh ăp nău ntrŭnh, trong mkra, mât nâp ntŭk ntô đăp mpăn gay ndâk njêng, hun hao neh dak, mô an geh nău ndal, mâp ndal tâm ăp ntil nău; rgum ndâk njêng rmôt vũ trang Quân khu 4 cách mạng, ngăch prăl răp jăp, mhe; nkra rgâl tay rmôt kan tĭng trong ngăch, dơh, tŏng ăp, dăng, tâm ban, săk rnglăy; ƀư tơm công nghệ, ndoh ndơ mhe.