Tâm ngơi đah ăp đại biêủ, Tổng Bí thư, Kruanh dak Tô Lâm lah na nê̆, tâm ăp năm ba năp, đah nău leo kan bâh Đảng, ngih dak, nău lă kan tâm ban bâh lĕ trong kan chính trị, ndrel đah nău nsrôih bâh ăp ntŭk, ƀon lan , nău kan mât rbăy n’hanh n’hao nău khlăy ueh êng ăp mpôl rnoi lĕ dơi geh âk nău geh khlăy, njêng nău rgâl mhe ueh lĕ mpeh nău gĭt vât n’hanh nău rêh jêng. Khlăy lơn tay, nău kan mât rbăy nău way ăp nar lơ ma dăch bên lơn đah ăp ntŭk rêh jêng. Tâm ba năp nơh, Tổng Bí thư, Kruanh dak Tô Lâm đă n’hanh ŭch, ăp bu gru an geh nti tay an rơh mom ba kơi, gay ma nău ngơi, nău tâm pât mprơ, nti nău way ơm geh buăt nthoi tâm nău rêh nar aơ. Mbra dơi lah hôm nău ngơi, hôm nău way, hôm âk nău tâm pât nău njroh lah hôm huêng khlăy bâh mpôl rnoi, nkre lah, an geh mât uănh nta nău dơh nơih gay ma nău ueh êng geh ƀư tâm nău rêh, geh ntŭk gay ma mata rbăy n’hanh trĕ lam, gay ma ăp nuĭh ƀon lan, ăp ntŭk rêh jêng ngăn ngên jêng tơm bâh ntrong kan mât rbăy n’hanh hun hao nău ueh êng.