Dak Lak n’hao kan ndrel đah UNESCO n’hanh FAO tâm mât ndrăy ndơ ơm yău n’hanh hun hao lŏ mir nâp nâl
Thứ hai, 15:40, 20/04/2026
VOV Tây Nguyên/Nuĭh rblang: Y Sưng Phê Ja
VOV Tây Nguyên/Nuĭh rblang: Y Sưng Phê Ja
VOV.M’nông – Ta phường Buôn Ma Thuột, kruanh UBND n’gor Dak Lak lĕ wơt n’hanh pah kan đah mpôl pah kan bah UNESCO n’hanh FAO yor wa Jonathan Wallace Baker, Kruanh Ntoh măt UNESCO ta Việt Nam n’hanh wa Vinopd Ahuja, Kruanh ntoh măt FAO ta Việt Nam leo trong, di rơh khâl râng Rƀŭn nchră Drăp ndơ Cà phê Lam ntŭr neh ƀư ta Dak Lak.
Ta nar pah kan, kruanh n’gor Dak Lak đă UNESCO ntop kơl ndâk ƀư samƀŭt rhăch nău đă nchih săk drăp ndơ “Nuĭh blău tăm n’hanh nkret njêng cà phê Dak Lak”, nkre mbơh ntĭm samƀŭt rhăch nău Công viên địa chất nkual mpeh bah lơ n’gor, rƀŏng tât ndơ nkhôm Công viên địa chất lam ntŭr neh.
Wa Jonathan Wallace Baker, Kruanh Ntoh măt UNESCO ta Việt Nam an gĭt, UNESCO nchrăp ntop kơl Dak Lak tâm ndâk ƀư samƀŭt rhăch nău “Nuĭh blău tăm n’hanh nkret njêng cà phê Dak Lak” mbơh an UNESCO uănh mĭn tay nchih săk drăp ndơ văn hóa mô mpơl săk. Nkre, rmôt kan aơ mbra hăn ndrel đah n’gor tâm ăp samƀŭt rhăch nău drăp ndơ êng, tâm nĕ geh Công viên địa chất.
Viết bình luận