Âk nău kŏ văk na nê̆ lĕ geh uănh năl, an geh nău nsrôih têh gay ma doh rklaih, mpŏng tât ƀư lôch ta năp lơ 30/4 năm aơ. Mpeh ăp nău kŏ văk, rnoh prăk tâm trok way geh tĭng .Nău ntrŭnh 30/2025 bâh UBND n’gor Gia Lai đê̆ lơn đah nău ngăn ta ntŭk, ƀư geh nău jêr jŏt tâm nău rgŏ jă nuĭh ƀon lan pă jao ntŭk ƀư trong. Groi kruanh UBND n’gor Gia Lai Nguyễn Tự Công Hoàng đă, ntŭk kan ntrôl trong kan rklaih đăp mpăn kloh rjăp, tâm di đah nău ntrŭnh, nkre lah ơm geh doh rklaih pă tay ntŭk gŭ, nsrôih pă neh ta năp lơ 30/6, mât đăp mpăn ăp ntil ndơ dŏng khlăy. Nău kan ƀư trong têh Quy Nhơn- Pleiku n’gor Gia Lai geh nău jong 125km, têh 4 mbor ndeh, an dơi hăn ngăch 100km/h, hăn let 16 xã, phường bâh n’gor Gia Lai. Lam trong hăn geh klâp ma 4.789 rnăk ƀon lan geh nău khuch tât, tâm nĕ geh klâp ma 620 rnăk an geh pă dăp ntŭk gŭ mhe, ndrel đah rlău 6.300 nău kan, ndơ dŏng kĩ thuật an geh ntrơn.