Tĭng nĕ, rnoh neh rmeh bah nău nchrăp ƀư trong têh hăn ngăch Khánh Hòa-Buôn Ma Thuột nklăp 30.000 m3, aƀaơ dôl rgum ta ntŭk neh mrô 4 (xă Vụ Bổn). Nău rgâl neh rmeh ta aơ gay dŏng mbluh trong ntung ƀon lan dŏng Krông Bông dơi săch yor geh ngai rdêng glêh nkôp đah ăp ntŭk êng.

Aƀaơ ăp ntŭk kan geh tât dôl jêh ăp samƀŭt gay dŭt khay 4 aơ, ăp nuĭh ndranh ntơm rdêng neh n’hanh rli. Ntung ƀon lan hăn Krông Bông ta nău nchrăp ƀư tâm pă, đăp mpăn ƀon lan gŭ yor ta xă Vụ Bổn (nkuăl Krông Pắk ơm). Gưl ntung me lĕ jêh bah dŭt năm 2023. Yơn lah, yor hôm e kol du rnăk mô ŭch trơn n’hanh mô tŏng neh mbuh trong leo hăn tât ta aơ ntung mô hŏ dơi ndơ̆ an dŏng. Nuĭh tơm ntuh kơl ndrel n’gâng kan ƀon lan dôl rgum mkra wăk kol, nsrôih, ndơ̆ ntung an dŏng bah khay 6 năm aơ.