Ta rơh tâm mâp, kruanh Quốc hội Trần Thanh Mẫn lah na nê̆ Việt Nam way geh uănh Kazakhstan lah dak kan ndrel khlăy ta nkual Trung Á, nkre lah rnê nău kan n’hanh nău dơi kan ăp nar lơ ma hao bâh Kazakhstan ta ntŭk kan lam ntur neh. Mpeh nău tâm kơl kan quốc hội, Kruanh Quốc hội Trần Thanh Mẫn đă 2 Quốc hội n’hao nău mbơh kan gưl têh bâh Quốc hội, ăp rmôt nghị sĩ mom, nghị sĩ bu ur, ăp uỷ ban n’hanh mbơh nău tă blău kan ƀư tĭng nău uănh nđôi, lập pháp ta ăp nău kan khlăy bâh neh dak, n’hao nău tâm mâp, mbơh ôp nău n’hanh tâm rgop na nê̆ ta ăp rơh tâm mâp lam ntur neh, ta nkual, geh kơl ndrel ta ăp nău ndrel mât uănh.