UBND n’gor Quảng Ngãi mhe n’gluh an nău n’glêh an trong nchrăp ntuh kơl pơk nkra têh hvi tay ăp gâl hôm huêt ta njăr trong Quốc lộ 24 đah lĕ rngôch rnoh prăk ntuh kơl nklăp 2.350 rmen prăk. Trong nchrăp geh lĕ rngôch rnoh jong 48,4km, dơi weh ƀư dĭ hvi di rnoh trong gưl III n’hanh IV mpeh yôk yang. Jâng trong hvi 9m, măt trong tuh nkrêp ma bê tông chai n’hanh bê tông xi măng. Nchrăp dŏng tơm prăk ngân sách Trung ương nklăp 2.000 rmen prăk n’hanh ngân sách n’gor nklăp 350 rmen prăk.

Ntŭk tĭng ƀư ta ăp xã Ba Tơ, Ba Tô, Ba Dinh, Ba Vì n’hanh Kon Plông, n’gor Quảng Ngãi. Nchrăp ƀư ngăn ntơm bah năm 2026 tât năm 2028. Trong nchrăp dơi mpŏng ntik n’hao nău khlay kan buăt nthoi mpeh Nhâp nar n’gor Quảng Ngãi đah ăp n’gor nkual Duyên hải Nam Trung bộ n’hanh Tây Nguyên, nkre đah ăp nkual wăng sa, ndrâm dak lêng têh kơt Chu Lai, Dung Quất; nkre ntrŭt ntrôl tâm nđŭr văn hóa, hun hao pâl nđaih ta ăp nkual kơt Măng Đen, mpông n’har bri hăn dak bah dih Bờ Y.