Ta rơh rƀŭn, ăp nău rgop dăn đă ntrong leo tâm rlong rgum ƀư dơi nău kan hun hao wăng sa-rêh jêng ăp năm n’hanh trong nchrăp 5 năm (2026-2030) tĭng nghị quyết Đại hội đại biểu lam dak rơh 14 bah Đảng, bôk nău kan bah Quốc hội, Chính phủ; tâm rlong lôch jêh, lôch jêh rlău rnoh ăp ndơ ƀư hun hao ntung trong, wăng sa nkual, wăng sa dak lêng...

Tĭng nĕ, ăp rnoh ndơ ƀư tâm rlong tât năm 2030 geh: Ngăch hao jêng dĭng lĕ ndơ tâm dak rĭng geh an lvang 2026-2030 bah 10%/năm let lơ; GDP rĭng bôk nuĭh tât năm 2030 geh nklăp 8.500 đôlar. N’glôn jêh rơh rƀŭn, Thủ tướng Lê Minh Hưng ŭch đah nău rgop n’hanh an lah nău rgŏ jă ntrong leo tâm rlong an hăn ndrel đah nău mĭn ntĭm rđău, nuih n’hâm, nău rƀŏng Nghị quyết Đại hội Đảng lam dak rơh tal 14 n’gluh an, nĕ lah geh nău rƀŏng hao jêng 2 rnoh mrô, yơn an nâp nâl n’hanh hăn ndrel đah n’hao nău rêh bah nuĭh ƀon lan; trong kan rnê nkhôm an di, an sŏng n’hanh ngăch. Thủ tướng Chính phủ đă lĕ rngôch ăp nău kan, ăp gưl an nsrôih, lôch jêh uĕh nău kan; an sŏk săk rnglăy ƀư mâng treh.