Tâm rnôk hăn khâl ngăn dak Cộng hòa Italia, nar 14/4, ta Thủ đô Roma, Kruanh Quốc hội Trần Thanh Mẫn n’hanh Mpôl ntơh măt gưl têh Việt Nam geh rơh nkoch bri đah cán bộ, nuĭh kan Đại sứ quán n’hanh mpôl nuĭh Việt Nam ta Italia. Kruanh Quốc hội hŏ mbơh lư đah mpôl nuĭh Việt Nam ta Italia mpeh nô nău tâm dak đah ăp jâng ntơm khlay kơt ƀư geh nău dơi Đại hội Đảng lam dak tâl 14, rơh bầu cử đại biểu Quốc hội khóa 16 n’hanh đại biểu Hội đồng nhân dân ăp gưl năm kan 2026 – 2031.

Kruanh Quốc hội mpŏng lah, mpôl nuĭh Việt lah du mpôl tâm rnglăp dơn ngoăy ta Italia, tâm bah rơh aơ hŏ tâm rnglăp uĕh hôm, let năp tay tâm rnglăp uĕh lơn đŏng, gay kơl ăp kon se hăn nti ta Italia gay jêh aơ tay n’hao neh dak Việt Nam geh tơm nuĭh kan săk blău âk. Kruanh Quốc hội mpŏng nuĭh Việt Nam ta Italia  mât ndray văn hóa, nău way ơm bah rnoi nuĭh, nău ngơi tiếng Việt ta dak tơm jay; lơn lah tĭng jăp luật pháp ntŭk he gŭ rêh.