Lơ 14/4, ta ntŭk kan Chính phủ, Thủ tướng Chính phủ Lê Minh Hưng ƀư tơm nar pah kan đah N’gâng kan dak si. Thủ tướng lah kloh, Chính phủ dôl rklaih ngăn, rgum rđau rklaih ân kloh ăp nau kan, nau hôm nkol jŏ jong, nsôih rklaih ăp nau jêr, nkol, tâm nê geh ăp nkô̆ nau tâm nau kan mât bah N’gâng kan dak si. Đah ăp nau kan ndâk ntŭk tal 2 bah ăp Ngih dak si Bạch Mai, ngih dak si Việt Đức, Thủ tướng rđau ăp N’gâng kan dak si, ndâk nkra, neh dak, Công an tĭng nau dơi, nau kan, nau ƀư rđau đă ăp ntŭk kan geh tât rgum ƀư âk ngăn nŭih kan, ƀư ân tâm ban, nsôih ngăn, săk tam gay ndal rklaih ăp nau hôm nkol, nsôih leo 2 ngih dak si lăp kan tâm 6 khay bôk năm 2026.

Thủ tướng Lê Minh Hưng đă N’gâng kan dak si ndal ƀư jêh ăp nau kan nchrăp Luật đăp mpăn ndơ sa (rgâl nkra) ndrel ƀư jêh ăp nau kan mât ngih dak mpeh nau răk kloh ndơ sa, ndâk nau nchrăp, nau kan gay ntrŭnh ơm mât chăm n’hâm soan ƀa ƀơ mô lah khám săch mô roh prăk ân ăp nŭih đê̆ ngăn du năm du tŏ ân ƀon lan, tâm nê geh du đê̆ nŭih geh kơl ƀư tâm năm 2026, ngăn lah tâm nkual jru, nkuăl ngai./.