Ôi lơ 13/4, ta ntŭk kan Kruanh dak, Thủ tướng Lê Minh Hưng hŏ ƀư tơm nar rƀŭn ngăn vơt Thủ tướng dak Cộng hoà Slovakia Robert Fico. Jêh rnôk ndơn vơt, Thủ tướng Lê Minh Hưng ndrel Thủ tướng Cộng hoà Slovakia Robert Fico leo bôk rmôt kan gưl prêh bar dak ntơm tâm nchră. Thủ tướng Lê Minh Hưng lah rjăp, Việt Nam mra lŏ uănh khlay ndrel ŭch ntrŭt dăng gay leo tâm boh Slovakia-ngoai tâm ăp dak kan nsum kơl an bôk năp bah Việt Nam tâm Trung Đông Âu-nar lơn ma hăn jru, ngăn ngên ndrel săk tam.

Tâm nuih n’hâm nê, bar ding hŏ tâm nchră nau kan ngăn, pơk trong mpeh nau kan lam ntur neh, nau kan tâm nkuăl ndrel ăp nau kan gay pơk trong hun hao mhe ngăn lơn tâm nau tâm boh bar dak, ƀư ngăn ndrel jru nâp lơn tay nau tâm boh kan nsum, tâm rgop rjăp gay rklaih ăp nau ntul rlong bah nkuăl ndrel lam ntur neh ndrel rƀŏng tât nkô̆ nau hun hao nâp nâl bah ăp neh dak, yor nau đăp mpăn, nâp nâl, tâm boh ndrel hun hao tâm nkuăl ndrel lam ntur neh./.