UBND n’gor Lâm Đồng mhe ƀư tâm nchră uănh năl nô nău wăng sa – rêh jêng kon nuĭh quý I/2026 n’hanh n’gluh ăp trong droh rklaih jêr jŏt, ntrŭt ntrôl hun hao tâm let năp tay. Siƀŭt mbơh an saơ, bol rnoh hun hao GRDP 7,47; nsĭt geh rvăt n’glăp hŭch rlău 20% rđĭl đah ndrel khay dja năm e nơh, lĕ rngôch nsĭt geh tăch chrai ndơ n’hanh nsĭt geh rhŏ dŏng hao, yơn mô hŏ tât kơt trong tor hun hao.

Âk “kô̆ yơn kol khan” hôm geh tay kơt rnoh ngăch nkra ăp trong nchrăp kan bah dih tơm prăk ngân sách hôm mbrơi, lơn lah tâm trong kan ŭnh nar sĭt jêng tay; n’gluh tơm prăk ntuh kơl mhe geh rlău 5%; rnoh âk doanh nghiệp nchrai kan hao rlău 110%. Lah ta rnôk tâm nchră, Kruanh UBND n’gor  Lâm Đồng Hồ Văn Mười lah rjăp nău kan nsum mô hŏ geh nău tam đah ăp nhih pah kan, hôm nău “tâm nje” siƀŭt ƀư jêr jŏt an doanh nghiệp. N’gor đă ăp n’gâng kan, ăp ntŭk tâm dâng n’hao nău dơn kan nuĭh mât bôk, ntrôl ngăch rgâl dơh glêh siƀŭt, rgâl mbrô, nkra dŭt bah ăp wăk kol an rlău 300 trong nchrăp hôm nchiăng khan.