Nar 13/4, Ban Bí thư Trung ương Đảng ƀư Tâm nchră lam dak gŭ mĭn, kơt nti, đăm gĭt n’hanh an tĭng ƀư Nghị quyết Tâm nchră tâl bar Ban Chấp hành Trung ương Đảng khóa XIV. Lah rđău đă ta rnôk tâm nchră, Tổng Bí thư, Kruanh dak Tô Lâm lah kloh nău mĭn, nău ŭch ndơ̆ luh lôch rnôk Tâm nchră rơh dja rƀah gĭt, an tĭng ƀư du trong lĕ nuih n’hâm, ăp kôp, nsĭt geh nău tam, njêng luh nău rgâl kloh tâm lam trong kan chính trị. 

Tổng Bí thư, Kruanh dak Tô Lâm dăn đă, lơh bah ngăn nău mĭn êng tĭng n’har, tĭng n’gâng kan, tĭng năm kan tâm dăp rgum hun hao, nuih n’hâm lah ăp dăp rgum hun hao n’gor, dăp rgum n’gâng kan ân dơi uănh tâm n’guăk rgum, nkre đah tâm ntêng lêng nkual. Tâm dăp rgum nkrum lam ân êng uănh khlay lơn đŏng tât dăp rgum ŭnh nar, dŭt bah ngăn nău ntuh kơl tâm kơt ndŭ, tĭng nău ŭch rŏng uănh lhơ, tĭng trong dăn – an, tĭng năm kan, tĭng trong mŭ uănh bah dih dơm. Ăp trong nchrăp an ƀư ân dơi n’gluh tâm dăp rgum nkrum lam, dơi mĭn uănh du trong kloh rvah, răp jăp.