Kêng măng (13/4), Thủ tướng Lê Minh Hưng ƀư tơm rơh hop bah Rnâng kan Chính phủ mpeh trong nkra, nău tĭng ƀư rgâl uĕh di, dơh glêh siƀŭt, ndơ geh tăch rgâl, koh n’hŭch n’gâng kan tăch rgâl geh ndơ nkol, tâm pă gưl nkra ƀư siƀŭt tĭng nău N’glôch jêh mbrô 18-KL/TW bah Trung ương. Tĭng ăp nău mbơh, aƀaơ hôm 198 n’gâng kan tăch rgâl geh nău dơi n’hanh 4.603 nău dơi tăch rgâl.

N’glôch jêh mbrô 18 tâm nchră tâl 2 Ban Chấp hành Trung ương Đảng khóa XIV hŏ đă ăp bộ, nhih pah kan tâm ban bộ ân ra uănh tay, koh n’hŭch tay 30% n’gâng kan tăch rgâl geh ndơ nkol, nkre koh n’hŭch 100% ndơ geh tăch rgâl mô lăng khlay. ndrel đah nê, koh hŭch 50% nar ƀư ngăn, 50% prăk dŏng ƀư siƀŭt; gưl Bộ dơn tĭng ƀư mô rlău 30% lĕ rngôch rnoh siƀŭt mpeh trong kan he mât uănh. N’glôch jêh rơh hop, Thủ tướng đă, tât nar 20/4, ăp bộ ân dăn đă trong nkra koh n’hŭch, rgâl dơh glêh siƀŭt, nău dơi geh tăch rgâl, n’gâng kan tăch rgâl geh ndơ nkol; Văn phòng Chính phủ, Bộ Tư pháp rgum nchih, ra uănh tay hao rblang dăn Chính phủ uănh an trong nkra ƀư tâm khay 4.