Măng 13/4, ta n’gor Quảng Ninh hŏ ƀư Lễ Mpôch dŭt n’hanh nkhôm rnê Liên hoan Phát thanh lam dak tâl 17 - Quảng Ninh 2026. Ta lễ mpôch dŭt, Ban Tổ chức hŏ mpư rnê ăp nuĭh tơm nchih n’hanh nkhôm rnê 24 giải Vàng; 37 giải Bạc, 71 giải Đồng; 60 giải Khuyến khích an ăp nău nchih mpeh ăp ntil: Pơk ƀoh nău ngơi sŏng dăng, phóng sự, phóng sự ôp uănh, nău ngơi rnoi mpôl đê̆; podcast…Tâm nê, âk nău nchih geh nău ôp joi, ban saơ; âk trong ƀư pơk ƀoh nău ngơi mhe dơi ăp nhà báo, ăp Báo n’hanh ƀoh rup ƀoh ngơi n’gor, nkual ƀon têh ƀư dŭt ndê na nê̆, blău mhe, geh rnoh khlay way blău kan âk, njêng ring lam tâm nău rêh dŭt uĕh.

Rlău ma nê, Ban tổ chức nkhôm an 29 giải êng đŏng, lah: Nkhôm rnê nuĭh nkoch bri (host) ngăch prăl; Nkhôm rnê nuĭh ntơm bôk nău ngơi pơk sŏng dăng dŭt uĕh blău; Nkhôm rnê Ekip ƀư nchih nkoch nău ngơi pơk sŏng dăng dŭt uĕh blău; Nkhôm rnê bâr nuĭh tơm ngơi dŭt uĕh blău; Kỹ thuật viên dŭt uĕh blău. Râng Liên hoan phát thanh rơh dja, VOV Tây Nguyên geh 1 Giải Vàng; 1 Giải Bạc n’hanh 1 Giải khuyến khích