Tâm rnôk tâm nchră, ăp nŭih klih rup hŏ nkoch tât nau kan bah nơm rnôk tât ma nau kan nklih rup ndrel nau dơi tâm dăch dơh ma nau kan văn hoá ăp rnoi mpôl. Âk nau rgop ân lah, rnơm geh âk nau ueh tâm nau rêh, nau vay ơm, nau mơng ndrel nau jru tât nau ơm yau ma njêng jêng ăp nau ŭch n’or ngăn ân ăp nŭih ndjôt máy nklih.

            Tĭng nŭih nklih rup Nguyễn Xuân Chính, ta Hà Nội, gay dơi geh ăp  rup geh nau khlay mpeh nau ơm, păng hŏ dŏng âk mông nar gay ma hăn joi, uănh, rêh nsum ma nau nơm nklih ndrel ryơk ăp nau vay ơm bah ăp rnoi mpôl, ăp nkuăl neh:

            ‘Aơ lah du nkô̆ nau ƀư jêr, jêr nklih đŏng. Ndrel lor ma nklih ri gâp hŏ hăn joi, hăn uănh, răk ân kloh gay ma gĭt lơn mpeh nau vay, nau mơng bah rnoi mpôl nê, gay mhâm ƀư rnôk ma nơm geh tât ndrel nklih ri, nơm ân gĭt jru lơn mpeh kon nŭih, gay mhâm ƀư mra geh ryơk ngăn nau khlay bah ăp rnoi mpôl”.

            Ăp nŭih nklih rup kŏ mbơh ăp nau jêr ngăn tâm rnôk hăn tât nkuăl jru, nkualư ngai, nau nkhah mpeh nau ndơi, mô blah nau geh mâp ma ăp nŭih nơm ŭch. Yơn lah, ăp nau jêr aơ lŏ njêng ân ăp nŭih nklih snôih lơn, gơih lơn ndrel geh nau dơi lơn tâm ăp nau nklih bah nơm.

            Ntơm bah nau ngăn nklih rup, ăp nŭih joi jru tâm nau nkoch bah nau ơm yaum nau rêh, bah nê gay ƀư rêng ăp nau khlay bah ăp rnoi mpôl tâm nau rêh rnôk aơ, nkoch pơk tay ăp nau rƀŏng trong hăn tâm di tâm nau nklih rup.

            Nghệ sĩ nklih rup Vũ Duy Thương, tâm Phường Tân Lập, n’gor Dak Lak mbơh:

            ‘Bah ăp nau nkoch nê ri hŏ rƀŏng ân nơm rnôk ndrĭng nau, nklih rup mhâm ƀư ân bah oi nau roh hoach lơn, hăn jri tâm nau ơm yau, geh nau ơm yeh, geh nau ngăn đŏng, kơt lah ăp nau nkoch hŏ mbơh, nơm mô dơi dŏng ƀư nau kan tih ma nau ngăn, nsôih ryơk ăp nau ngăn, mât ăp nau vay ơm nê, yơn lah ngăn đŏng, nê mơ lah nau khlay. Nê lah ăp nau rƀŏng ân ăp nŭih nklih rup jêh aơ gay khân păng mra geh nau ueh, blau, ngăn lơn ndrel ƀư tĭng ân dơi nau khlay bah ăp nŭih klih, rup, n’hao nau ueh bah nau kan nơm”./.