Kêng măng 14/4, ta Đại Lễ đường Nhân dân, thủ đô Bắc Kinh, Tổng Bí thư, Kruanh dak Tô Lâm hŏ ôp srĭng nău Ủy viên thường vụ Bộ Chính trị Trung ương Đảng Cộng sản Trung Quốc, Kruanh Chính hiệp lam dak Trung Quốc Vương Hộ Ninh.(tâm ban đah Kruanh Ủy ban Trung ương Mặt trận Tổ quốc). Tổng Bí thư, Kruanh dak Tô Lâm lah rjăp Việt Nam ŭch rŏng bah rơh hăn khâl dja, ƀư jru  hvi lơn tay đŏng nău nsing nơm chính trị, njêng hao prêh mhe bah tâm boh bar ding đah buăt nthoi lam lĕ rngôch, jru hvi lơn, ndrel ƀư jêng ngăn ngăn rnoh tât hun hao bah bar dak.

Tổng Bí thư, Kruanh dak dăn đă bar ding way tâm mâp gưl têh mbro, rdâk tay nău nsing nơm chính trị, n’hao nău dơi tam tâm boh ta trong Đảng, Ngih dak, Chính phủ, Quốc hội - Nhân đại, Mặt trận - Chính hiệp, rdâk nâp tay n’gâng tơm tâm boh njrăng n’gang neh dak- rnă njrăng. Kruanh Chính hiệp Vương Hộ Ninh lah rjăp Trung Quốc way uănh khlay tâm boh đah Việt Nam lah trong rƀŏng an ƀư lor tâm trong tâm boh đah dak kâng n’har; rnê âk ăp nău dơi rgâl mhe lý luận bah Việt Nam, way n’grŏ tĭng Việt Nam rdâk njêng geh nău dơi chủ nghĩa xã hội tâm di đah nô nău neh dak. Wa Vương Hộ Ninh dăn đă bar ding rƀah gĭt trong rƀŏng hun hao tâm boh bar ding, ndrel ntrŭt ntrôl n’gâng kan têh uĕh mhe xã hội chủ nghĩa ta bar dak.