Măng 15/4 (tĭng mông ta ntŭk ƀư\) dak Thổ Nhĩ Kỳ, Kruanh Quốc hội Trần Thanh Mẫn ndrel Mpôl ntơh măt gưl têh Việt Nam hŏ râng Lễ ntơm pơk Đại hội đồng tâl 152 bah Liên minh Nghị viện lam ntŭr neh (IPU-152) đah nkô̆ “mât nău mpŏng, mât đăp mpăn bah tâm lơh tâm su n’hanh mât njrăng nău tâm di an ăp rơh kơn let năp tay”.

Lah ta rnôk Lễ ntơm pơk, Kruanh IPU Tulia Ackson mpơl nău rvê mpeh nău roh tâm ban nar lơn ma hô, tâm ban kơt nkah njrăng lor âk mpeh rơh rgâl trôk nar n’hanh nău tât khuch an tay bah kơi jŏ jong an ntil kon nuĭh đŏng. Păng lah rjăp nău khlay rgum tơm bah nghị viện tâm nău rdâk njêng tâm ban ŭch, têk ndrêng trong kơl n’hanh tor luh lor ăp trong nkra lam ntŭr neh, nkre kuăl jă ăp nghị viện ân ntrŏng pe trong rƀŏng khlay lah: ntrŭt ntrôl nkrum lam, tâm dâl nău mbro n’hanh dâk kan đah trong uănh jŏ jong n’hanh ăp rơh kơn let năp tay, bah nê rdâk nâp tay trong tĭng âk ding đah Liên hợp quốc mât nău khlay kan rgum tơm. Đại hội đồng IPU-152 mbra hop bah nar 15-19/4. Tĭng bôk nău kan, Kruanh Quốc hội Trần Thanh Mẫn mbra geh nău lah khlay ta Rơh tâm nchră nsum./.