Kêng măng 15/4, ta Hà Nội, Groi Thủ tướng Chính phủ Hồ Quốc Dũng pah kan đah Rđau kan Bộ Dân tộc ndrel Tôn giáo mpeh nau ƀư nau kan tâm ăp khay bôk năm 2026 ndrel nau nchrăp kan tâm rơh tât. Groi Thủ tướng rnê prêh Bộ Dân tộc ndrel Tôn giáo hŏ geh âk nau nsôih tâm nau ƀư nau kan, nau dăng dơi geh jao, ngăn lah jêh rnôk tâm rnglăp nsum. Mpeh du đê̆ nau kan ân geh nkah njrăng tâm rơh tât, Groi Thủ tướng Hồ Quốc Dũng, đă ƀư jêh ăp ntrong kan pháp luạt, tâm nê ƀư jêh ăp nau ntrŭnh đah kon se nti, sinh viên rnoi mpôl đê̆, mĭn njêng ƀư bôk nau kan pă kan pah, hun hao nau kan tăch rgâl, nthoi nau hăn kan, pah kan tâm nkuăl rnoi mpôl đê̆ gay n’hao nau dơi dăng dơi bah nau rêh kônh wa.

Groi Thủ tướng kŏ đă Bộ Dân tộc ndrel tôn giáo nsôih ƀư nau koh n’huch, ƀư nơih lơn nau kan hành chính bah năp lơ 20/4; lŏ ƀư kơp uănh nau pă gưl kan, pă nau dơi nau kan rnôk ƀư n'gâng kan tâm nkuăl bar gưl. Đah Bôk nau kan nkô̆ nau bah neh dak mpeh rnoi mpôl đê̆ ân geh kơp uănh tay, đăp mpăn pă tơm prăk, nkô̆ nau dăch dŭt lah nau săk tam./.