Lâm Đồng ndâk njêng Rmôt pah kan ăp nău kan njrăng n’gang joi IUU
Thứ tư, 10:10, 22/04/2026
VOV Tây Nguyên/Nuĭh rblang: Y Sưng Phê Ja
VOV Tây Nguyên/Nuĭh rblang: Y Sưng Phê Ja
VOV.M’nông - Gay mât uănh nâp nâl nău kan ka, mât njrăng nău geh jŏ jong bah nuĭh ƀon lan, UBND n’gor Lâm Đồng mhe ndâk njêng Rmôt pah kan ăp nău kan mpeh uănh nđôi trong kan njrăng n’gang joi tui ka mô tâm di nău way, mô mbơh n’hanh mô tĭng nău ntrŭnh (IUU) ta lam n’gor.
UBND n’gor Lâm Đồng N’gâng kan Tuch tăm mât rong n’hanh ntŭk ntô gŭ âm, ngih pah kan rnâng kan bah Rmôt pah kan ăp nău kan ndâk njêng, an nău ntrŭnh pah kan, bôk nău kan, trong nchrăp pah kan, uănh nđôi, groi uănh ăp năm, tât ndal bah Rmôt pah kan n’hanh groi uănh, ntrŭt đă nău ƀư tĭng.
Aƀaơ dĭng lĕ tàu ka bah n’gor Lâm Đồng lah 8.200 tàu. Lĕ rngôch tàu lĕ mbơh tâm trong Vnfishbase; rlău 90% tàu ka lĕ dơi an samƀŭt joi tui ka; tàu ka mô tŏng dơi râng joi lah 768 tàu. Trong kan mât uănh rmôt tàu, uănh nđôi, groi uănh tàu ka pah kan ta dak lêng dơi ntop tay, nking n’gang, mô an tàu ka tih nkual dak lêng dak bah dih; ăp tàu ka mô tŏng dơi pah kan lĕ dơi kơp uănh, nchih săk n’hanh ƀư mât uănh, groi nđôi rjăp, mô an luh ndrâm dak hăn joi./.
Viết bình luận