Ta Bảo tàng Thế giới cà phê, n’gor Dak Lak tâm rgop nsum ma Jrâu kan UNESCO tâm Việt Nam ndrel ăp dak kan nsum ƀư tâm nchră Ăp ndơ ueh kah Cà phê lam ntur neh đah nkô̆ “Ntơm bah ăp nau ơm âk ntil tât ma ndơ rêh nsum bah kon nŭih”. Nau kan rgum nau râng bah âk mpưm ntoh măt bah ăp n’gâng kan, ntŭk kan Trung ương, ntŭk kan bah lam ntur neh, ăp ntoh măt dak ba dih, nŭih blau nau kan, nŭih kan khoa học ndrel ntŭk ƀư nau kan tăch rgâl tâm ndrel bah dih dak. Nau tâm nchră rnôk aơ lah rnôk gay Dak Lak lŏ geh tay ăp nau blau kơt dak ba dih, ndâk săm ƀŭt ƀư dăn đă ân UNESCO kơp dơn ndơ ơm kah, ntrŭt dăng nau kan hun hao cà phê nâp nâl, ndrel ma nau kan pâl n’aih ndrel công nghiệp văn hoá.

Ntoh nau tâm rnôk ƀư kan, wa Nguyễn Minh Vũ, Kruanh n’gâng kan nchră nau ân lah, nau săch cà phê ƀư tơm bah nau tâm nchră nau ơm yau lah nau geh dŏng dơi bah nau blau mhe, rgop nau ndâk tay nau khlay bah ndơ tuch tăm tă mơng tâm nau rêh. Cà phê Việt Nam nar aơ mô êng geh râng tâm nau ƀư ntrong kan văng sa lam ntur neh ma hôm rgop nau dơi kơt lah “nŭih ƀư nau kan văn hoá’ leo nau nkoch mpeh kon nŭih ndrel nau ơm yau ueh Việt Nam tât đah băl bên lam ntur neh./.