Mbơh rblang na nê̆ ăp nău ntul rlong đah n’gâng kan wăng sa, ăp đại biểu Quốc hội đă mbơh âk trong kan kơt lah rgum dŏng geh săk rnglăy rnoh ntuh kơl, ntrong kan geh nău kan kloh rjăp, nchroh mbrơh, răng dăng koh n’huch ăp rnoh kan mô geh ueh...Ăp đại biểu lĕ tâm ban đah ntrong kan bâh Chính phủ uănh năl năm 2026 lah năm n’hao nău ueh geh cán bộ ntŭk kan ba dâng. Cán bộ công chức gưl xã geh nău dơi kan n’hanh rmôt nău kan geh pă jao an dŭt âk. Yor nĕ, an geh ntrong kan ntĭm nti n’hanh ntĭm na nê̆ gay ma an tâm di đah nău ŭch geh. Ăp đại biểu lĕ geh mât uănh tât nău tâm ban bu ur bu klô, uănh nĕ lah nău kan tơm khlăy gay ma dơi geh an hun hao nâp nâl, sŏk kon nuĭh ƀư nău kan tơm.