Tổng Bí thư, Kruanh dak Tô Lâm mĭn lah, ƀư nkah gĭt lah rơh an lam Đảng, lam ƀon lan nkah gĭt jru hvi ăp n’hâm soan têh bah đồng chí Hà Huy Tập đah nău kan cách mạng, nkre rdâk nău ntô̆ n’hao, nuih n’hâm mpŏng hao n’hanh lĕ đah nău kan ta năp Neh dak. Nău rêh cách mạng bah đồng chí Hà Huy Tập lah rup ndah uĕh bah du hê mom geh âk nuih n’hâm rŏng dak, ơm gĭt nău mĭn vô sản n’hanh trong hăn kơl neh dak bah kruanh Nguyễn Ái Quốc.

Ta đồng chí rgum nău mĭn lý luận ngăch prăl, janh dăng, nuĭh cộng sản ngăn ngên, lôch nău rêh nsơr soan an nău kan cách mạng bah Đảng n’hanh rnoi nuĭh. Bôl tâm nău rêh njê ngăn, geh nău lơh bram mô lah rdâng  nău dôih nkhĭt săk, đồng chí hôm e du nuih n’hâm đah Đảng, đah ƀon lan. Tĭng Tổng Bí thư, Kruanh dak, tâm lvang mhe, nău rêh nĕ an jêng tâm di nău ƀư ngăn bah ăp cán bộ, đảng viên; janh mĭn, janh rgâl mhe, janh trok đah nău kan, janh ƀư ngăn yor nău geh nsum; sŏk săk rnglăy ngăn ngên ƀư mâng treh, sŏk nău ŭch, uĕh lăng bah nuĭh ƀon lan rnoh an ƀư âk ngăn.