Ôi lơ 20/4, ta ntŭk kan Chính phủ, Groi Thủ tướng Hồ Quốc Dũng ƀư tơm nar rƀŭn nchră ntrŭnh ƀư ăp nau rƀŏng kan ndrel ăp ntil ndơ dŏng nau kan. Jêh rnôk djăt ăp rmôt kan mbơh, nkoch tâm nar rƀŭn, Groi Thủ tướng Hồ Quốc Dũng lah rjăp, nau kan ƀư hun hao nau kan gay rƀŏng ƀư mhe ân geh nsum ma nau hun hao bah neh dak lah nau kan tơm khlay; ndri ma ăp n’gâng kan, ntŭk kan ân lăp kan ngăn; ân geh janh ntuh kơl, ndơn nau tât khuch, ndăn nau dăng ‘hăn kơi” gay ma hăn teng, vơt bôk. Groi Thủ tướng đă tâm khay 4 năm 2026:

Ndâk rmôt ƀư nau kan bah ăp ntŭk kan, n’gâng kan, ntŭk mbơh rnoh ƀư ndrel ntrŭnh ƀư ăp nau kan mhe tĭng nau dơi. Jêh nê, ăp n’gâng kan ân geh ntrŭnh ƀư nkre nau kan ndrel đă mbơh mpeh tơm prăk. Nkre lah, ăp n’gâng kan: khoa học ndrel Công nghệ, tơm prăk, ntĭm nti ân geh ntrŭt dăng ngăch nau ntĭm nti nŭih kan, ƀư jêh ntrong kan tơm prăk. N’gâng kan ntĭm nti ân geh njêng nau kan ueh khlay gay bonh đă nau ntĭm nti ân nŭih kan Công nghệ ƀư nau kan mhe./.