Ôi ntri (22/4), ta Nhih pah kan Chính phủ, Thủ tướng Lê Minh Hưng ƀư tơm rơh pah kan đah Bộ Công Thương mpeh nô nău an ƀư nău kan dơi jao năm 2026. Lah ta rơh pah kan, Thủ tướng Lê Minh Hưng đă, nău dơn kan hun hao neh dak tâm rơh mhe lah dŭt kloh, nău dơn kan dŭt têh n’hanh jâk r’ah ngăn, lơn lah nău đăp mpăn rnoh tât hun hao jŏ jong 02 mbrô, tâm nê, Bộ, n’gâng kan công thương ân mbăk anh nău dơn kan rgum tơm, lor nkra ăp nău nchiăng khan n’hanh ntrŭt ntrôl ăp nău kan tăch rgâl gay tât rnoh ndơ̆ luh.

Thủ tướng lah rjăp, Bộ Công Thương ân ndăn ƀư jêng ngăn ngăn n’hanh leo ƀư năn ngăch trong nchrăp dâk kan bah Chính phủ tĭng ƀư Nghị quyết Đại hội XIV bah Đảng, N’glôch jêh mbrô 18 bah Trung ương... gay an ƀư ăp nkô̆ ta ăp trong mât uănh bah Bộ Công Thương (ŭnh nar, pring xăng, khoa học công nghệ, rgâl blău ƀư mhe, tăch n’gluh, ntŭk tăch rgâl tâm dak); jao ăp rnoh tât kan, bôk nău kan, nar lôch jêh na nê̆ an tĭng Kruanh rđău kan bộ, nhih pah kan tâm bộ, ăp tập đoàn wăng sa ngih dak, n’gor tâm dâng.