Ta nar pah kan, Tổng Bí thư, Kruanh dak Tô Lâm uănh lah prêh ăp săk rnglăy khlay, lĕ rngôch ma Đảng bộ, n’gâng kan n’hanh nuĭh ƀon lan Hà Tĩnh lĕ dơi geh tâm năm bah năp.

Khay tât, Tổng Bí thư Kruanh dak đă, n’gor Hà Tĩnh an dŭt n’hâm rgâl mhe nău mĭn, trong uănh n’hanh trong ntĭm rđău; ndâk njêng hun hao mhe, sŏk hao jêng ngăch n’hanh nâp nâl ƀư tơm, sŏk kon nuĭh ƀư tơm, khoa học-công nghệ, rgâl mhe n’hanh rgâl mrô ƀư tơm khlay, mbơh ƀư ngăn ngên săk rnglăy Nghị quyết 57 bah Bộ Chính trị gay rgâl na nê̆ mpeh săk rnglăy pah kan. Tổng Bí thư, Kruanh dak Tô Lâm nsing nơm, đah janh dăng, nău mĭn n’hanh mpŏng ŭch hao prêh, Đảng bộ, n’gâng kan n’hanh nuĭh ƀon lan Hà Tĩnh tâm rnglăp tay, rgâl mhe, mât uĕh nuih n’hâm “nteh gâr Xô Viết Nghệ Tĩnh”, nsrôih hun hao ngăch, lĕ rngôch n’hanh nâp nâl, rgop tâm di hun hao nsum bah lam dak.