Jêh rlău 7 năm mbơh ƀư Nghị quyết 36, N’gor ủy Dak Lak lĕ an 7 bôk nău kan ƀư dâl, rgâl mhe 6 nău; UBND n’gor n’hanh ăp n’gâng kan, nău kan an âk trong nchrăp, samƀŭt ntĭm rđău, ntơm jêh trong hun hao wăng sa dak lêng. Wa Lương Nguyễn Minh Triết, Bí thư n’gor ủy Dak Lak đă năm tât, lam n’gor rgum rgâl dăng nău mĭn bah “sŏk joi” an “Wăng sa dak lêng nâp nâl”, sŏk mât njrăng ntŭk ntô dak lêng ƀư tơm.

Tâm nĕ, an lor dôh rklaih “kak êr” IUU, mât uănh rjăp rmôt duk mpan, joi tu tơm tui ka, ndâk njêng nău joi ka geh lĕ đah nău kan, rgum lăp lam ntŭr neh. Bí thư n’gor ủy Dak Lak lah rjăp ăp n’gâng tơm wăng sa dak lêng ma n’gor mbra rgum hun hao, kơt pâl nđaih dak lêng uĕh nâp âk; công nghiệp nkret njêng, tăch n’gluh tui ka tĭng trong; logistics dak lêng, ndrâm dak lêng, ŭnh nar nkra njêng ta dak lêng. Nău dôl uănh lah trong hun hao hăn ndrel nău uĕh ơm n’hanh mât njrăng ntŭk ntô gŭ âm.