Tỉnh ủy Dak Lak ƀư Tâm nchră ra uănh tay ăp trong nchrăp kan, ntŭk ƀư mbrơi, jêr jŏt, nchiăng khan ntoch jong ta n’gor, gay mbluh soih tơm ndơ an rnoh tât hun hao năm 2026. Tĭng nău mbơh, lvang năm 2021–2025, lam n’gor Dak Lak geh 2.460 ntŭk ƀư dŏng tơm prăk ngân sách ngih dak, tâm nê 1.579 ntŭk nchrăp ƀư mô hŏ dơi kơp uănh; 141 ntŭk nchrăp ƀư mâp jêr jŏt, wăk kol, ƀư mbrơi ntoch jong.

Wa Lương Nguyễn Minh Triết, Bí thư Tỉnh ủy Dak Lak đă ra uănh tay lam lĕ rngôch, tâm pă ntil kloh tĭng rmôt ntŭk nchrăp kan, wat jêh bah năp nar 15/5; nkre ƀư kloh nău dơn kan tĭng mpôl, tĭng nuĭh, nkre đah uănh năl cán bộ. N’gor Dak Lak mbra njêng ăp rmôt pah kan tă bah kruanh rđău kan UBND n’gor mât uănh na nê̆, tĭng groi nđôi, droh rklaih tĭng ntŭk nchrăp kan, đăp mpăn mô tâm chong cheng n’hanh nkra dŭt bah ăp ntŭk nchiăng khan. Nău nkra lơh ân nkre đah ôp uănh, kơp nđăp, nkre n’gluh năl nău tih, nkre droh rklaih gay ndơ̆ ntŭk nchrăp ƀư lăp kan.