Gay uănh nkra trong kan aơ, UBND n’gor Dak Lak rƀŭn kơp uănh ngăch n’hanh dôh rklaih jêr jŏt ăp nău nchrăp ƀư yor Ban Mât uănh nău nchrăp ƀư ntuh kơl ndâk ƀư ndơ ƀon lan dŏng n’hanh công nghiệp n’gor ƀư tơm ntuh kơl. Ban aơ dơi jao âk nău nchrăp ƀư mhe knŭng pă an geh 101% trong nchrăp. Năm 2026 Ban dơi jao mât uănh 33 nău nchrăp ƀư, đah dĭng lĕ trong nchrăp prăk rlău 917 rmen prăk.

Yơn lah, ngăch ƀư n’hanh pă an prăk hôm e mbrơi. Âk nău nchrăp ƀư ntung trong nkual pâl nđaih n’glău Lắk, trong me N6, trong Nguyễn Đình Chiểu nthoi jong, trong nkual Công nghiệp Hòa Phú... mâp jêr tâm nău trok neh, mô hŏ geh tâm ban ŭch đah nuĭh ƀon lan. Du đêt nău nchrăp ƀư êng kol nkra nău ntrŭnh ntuh kơl, mô tŏng prăk mô lah mô dơi pă prăk. Ta rơh rƀŭn, âk nău rgom rgum tâm uănh tĭng nău nchrăp ƀư n’hanh mkra lôch tĭng rmôt wăk kol, ndơn yor jong âk. Đah ăp nău nchrăp ƀư mbrơi an prăk, wa Đỗ Hữu Huy, Kruanh UBND n’gor Dak Lak đă rjăp n’hanh kỷ luật ntuh kơl nsum. Nău ŭch khlay, an rgâl pă prăk ơm gay tŏng ăp rnoh an pă prăk.