Âk đại biêủ rnê âk nău min dơn kan, nău leo kan tâm di n’hanh răng dăng bâh Quốc hội, Chính phủ tâm nău ngăch ndăn rgâl rnoh thuế gay ma doh rklaih ăp nău jêr an doanh nghiệp, nkre lah mât rnoh geh tơm prăk, mpŏng tât nkô̆ mpŏng an hun hao. Mpeh nău geh dơn soăy, ăp nău tâm rgop dăn đă an geh uănh kơp na nê̆ bâh nău uănh năl geh tât lĕ rngôch, mât đăp mpăn tâm di đah nău ngăn n’hanh tâm ban đah ăp nuĭh kan, doanh nghiệp, tâm ban kơt tâm ban đah nău n’huch rnoh mât nuĭh tâm rnăk vâl bâh nuĭh pah kan sa prăk khay. Đại biểu Phan Đức Hiếu (Đoàn Hưng Yên) đă ntrŭnh rnoh mô sŏk thuế bâh dŭt đê̆ 1 rmen prăk tât 3 rmen prăk, nkre lah đă Quốc hội ƀư na nê̆ nău kan aơ gay ma bah ir hoach prăk kan ƀư tĭng an lĕ doanh nghiệp  n’hanh ntŭk kan mât uănh.