Ntoh ngơi ta rơh tâm nchră, Thủ tướng Lê Minh Hưng lah na nê̆ nău tâm boh Việt Nam - Hàn Quốc aƀaơ mô dơn rlu ta rơh tâm nchră tâm kơl tăch rgâl mô lah ntuh kơl dơm ma lĕ rgâl jêng du rơh mhe têh lơn, lvang rơh tâm kơl kan lĕ rngôch, ndrel tât râng n’hanh ndrel njêng ăp nău khlăy mhe ta nkual n’hanh lam ntur neh. Thủ tướng ŭch ăp doanh nghiệp bar dak mbra tâm mbơh răng dăng lơn, mbơh dăn đă na nê̆, ndrel đah chính phủ bar dak doh rklaih ăp năui kŏ văk n’hanh pơk luh du trong tâm kơl mhe. Tổng thống Hàn Quốc Lee Jae Myung mpơl nău mĭn, rnôk ma nău uh ah bâh nău wăng sa lam ntur neh dôl hao, tâm kơl kan wăng sa đah 2 dak Hàn Quốc n’hanh Việt Nam lơ ma khlăy lơn, ndrel ƀư lôch lĕ trong kan công nghiệp let năp tay, njêng nău tâm kơl kan an nău nsrôih hun hao. Lah prăk tăch ndơ đah bar ngih dak năm 2025 lĕ dơi geh 94,6 rmen đôlar, Tổng thống knơm mbra geh pơk hvi tay nău kan tăch rgâl, ntuh kơl n’hanh mbra dơi geh ăp nkô̆ nău mhe lah 150 rmen đôlar ta năm 2030.