Hao jêng GRDP 3 khay năm 2026 bah n’gor Dak Lak geh nklăp 7,5%, đêt lơn trong nchrăp, geh jêr jŏt têh an ăp khay ƀa ƀă bah năm. Ta rơh rƀŭn, âk nău rgop sŏng dăng ntĭm mpêr n’gar mpeh trong ƀư, nău rgâl hành chính, ngăch nău nchrăp ƀư n’hanh nău geh, đă rgâl ƀĭt joet tĭng trong hao jêng na nê̆, hăn ndrel lĕ tĭng đah nău kan, tĭng ntŭk.

Kruanh HĐND n’gor Dak Lak đă uănh nđôi tĭng rnoh hao jêng tĭng khay, ƀư kloh lĕ đah nău kan bah tĭng ntil nău. Ăp nău rgop lah rjăp nkra rgâl hành chính hôm e mbrơi, mô hŏ tâm di nău đă ngăn, ƀư jêr an bah dâng. Bí thư N’gor ủy Dak Lak Lương Nguyễn Minh Triết đă rgum mkra ăp nău nchrăp ƀư lŭ choih, ŭnh nar, pâl nđaih n’hanh ngăch rgâl nkra hành chính. Nău mĭn êng bah n’gor Dak Lak lah: Mô an “đăp mpăn” an nơm ma ƀư jêr doanh nghiệp... n’gor Dak Lak mĭn lah an rgâl nău mĭn, koh n’hŭch mông nar n’hanh prăk samƀŭt hành chính gay geh trong hao jêng.