Ôi 1/4, Mpôl Đại biểu Quốc hội n’gor Dak Lak ƀư tâm nchră sŏk nău rgop đah 4 trong nchrăp luật nchrăp hao rblang dăn ta Rơh hop bôk năp, Quốc hội khóa XVI. Puăn trong nchrăp luật dơi rgop lah: Luật Tât đah nău lư (rgâl nkra), Luật Ntop kơl nău tâm di (rgâl nkra, kơi ntop), Luật Hộ tịch (rgâl nkra) n’hanh Luật Công chứng (rgâl nkra, kơi ntop). Ăp đại biểu tâm ban ŭch nău khlay bah nău rgâl nkra gay wat jêh lam trong kan pháp luật, tŏng đah nău ŭch geh rgâl mbrô, rgâl dơh glêh siƀŭt n’hanh rdâk njêng n’gâng kan bar gưl.

 Rgop Luật Tât nău lư, âk nău rgop dăn đă ƀư kloh n’glĕ nău dơi rgâl, nău dơn kan mbơh nău lư, quy định na nê̆ ăp nuĭh rlăch dun gay nde tâm nău “mpôn hôch nău lư ngih dak”, nkre ân mbơh nău lư ma ntŭk pơk ƀoh mbrô, n’hao âk tâm pă nău lư. Đah Luật Ntop kơl nău tâm di, đại biểu dăn đă pơk hvi nuĭh dŏng, n’hao săk tam rhŏ dŏng, kơi ntop rmôt nuĭh dơh tât khuch. Ăp nău rgop mbra dơi rgum nchih tay gay wat jêh trong nchrăp luật.