Dak Lak sŏk nău rgop mbơh ƀư nău nchrăp ƀư rdâng đah khuch yor rgâl trôk nar mih sial
Thứ tư, 14:12, 03/06/2026
VOV Tây Nguyên/Nuĭh rblang: Y Sưng Phê Ja
VOV Tây Nguyên/Nuĭh rblang: Y Sưng Phê Ja
VOV.M’nông - UBND n’gor Dak Lak tâm rgop đah Ntŭk nchroh trôk nar n’hanh Bôk nău kan hun hao Liên hợp quốc ƀư rƀŭn nchră sŏk nău tâm rgop đah dăn đă nău nchrăp ƀư rdâng khuch khat yor trôk nar rgâl.
Nău nchrăp ƀư geh dĭng lĕ prăk nchrăp 8,9 rkeh đôlar, mbơh ƀư tâm lvang 2027-2031, rƀŏng tât ntop kơl na nê̆ ăp rmôt ƀon lan gŭ dơh geh khuch tă bah trong ƀư tâm pă prăk ngai tĭng nău geh khuch khat.
2 ntŭk dơi săch rlong ƀư geh xă Krông Năng-nkual ƀa ƀơ geh duh phang n’hanh phường Phú Yên-ntŭk rdâng đah dak băm, dak chiăt bôh, dak lêng rdŭl. Nău nchrăp ƀư nklăp 10.000 rnăk dơi ntop kơl nkra joi nău rêh, 2.000 rnăk êp ach o dơi ntop kơl râng rwăt samƀŭt tâm trok rnoh mrô ta năp nău mâp. Nău mhe bah nău nchrăp ƀư kơt dŏng dữ liệu nchroh trôk nar, rup vệ tinh n’hanh bôk rngok mĭn ƀư mhe gay ntop kơl rnôk ăp rnoh mrô trôk nar rlău an nău mbơh.
Viết bình luận