Aơ lah ăp nhih nti mpeh rơh ntơm rdâk njêng tâl bar tâm n’gul khay 3 năm aơ, nchrăp ƀư wat jêh tâm khay 6/2027 tĭng trong nchrăp bah Bộ Chính trị. 3 nhih nti nội trú rep gưl dơi rdâk ƀư ntơm bah nar 19/3/2026 ta ăp xã n’har bri Đắk Wil, Thuận Hạnh n’hanh Tuy Đức, đah lĕ rngôch rnoh ntuh kơl bơi 678 rmen prăk.

Ăp nhih nti dơi ntuh kơl bơi 226 rmen prăk, hvi 30 jrô nti ntơm bah jrô 1 tât jrô 9, tŏng an nău ŭch geh kơt nti, gŭ rêh an rlău 1.000 kon se nti n’hanh nai ntĭm. Mpeh pah kan đă ntrơn du, UBND n’gor Lâm Đồng hŏ pah kan đah nuĭh tơm ntuh kơl, UBND ăp xã n’hanh ăp đơn vị geh tât. Ăp ntŭk ton ƀư wat jêh đă ntrơn du bah năp nar 30/6 tât gay đăp mpăn rnoh ngăch an ƀư.