Tâm ngơi đah ăp đại biểu, Tổng Bí thư, Kruanh dak rnê ăp nău nsrôih bâh ntŭk rêh jêng nuĭh Việt Nam ta Philipines tâm nău lăp kan ndrel ta ntŭk rêh jêng ta ntŭk, mât ueh nău way êng rnoi nơm, geh ăp nău pah kan ntrôl nău wăng sa tăch rgâl đăp mpăn đah 2 dak. Lah na nê̆ tâm ăp rơh tâm mâp đah nuĭh leo kan gưl têh bâh Philipines an geh mât kơl tay ƀon lan geh nău kan pháp lý nâp nâl, đăp mpăn nău rêh jêng, lăp kan ndrel ta ntŭk rêh jêng ta ntŭk. Tổng Bí thư, Kruanh dak lah na nê̆ nău kơl kan dơn ngoăy bâh Đảng n’hanh Ngih dak lah way geh mât uănh, mât kơl tât ntŭk rêh jêng nuĭh Việt Nam ta dak bah dih, uănh ntŭk rêh jêng lah mpôl kan mô dơi nglah êng n’hanh lah du nău kan khlăy bâh ntŭk rêh jêng mpôl rnoi Việt Nam. N’hanh tâm let năp tay, du đê̆ nău kơl kan đah nuĭh Việt Nam ta dak bah dih mbra geh rgâl mhe tay gay ma nta nău dơh nơih an ƀon lan he ta dak bah dih geh tay âk nău tâm rgop têh lơn an ƀon tơm, neh dak.