Kêng măng lơ 28/5, mpôl uănh nđôi, uănh năl  mbrô 31 bâh n’gâng kan Chính trị yor đồng chí Nguyễn Văn Quảng, Bí thư Trung ương Đảng, Chánh án Toà án Nhân dân gưl têh leo hăn lĕ pah kan đah rnâng kan thường vụ n’gor Lâm Đồng mpeh nău ƀư tĭng nău kan chính trị ta ntŭk. tâm ba năp nơh, Lâm Đồng rgum mbơh tơih săk rnglăy nău kan n’gâng kan ta ntuk 2 gưl, ntrôl dăng ƀư tĭng Nghị quyết 57 bâh n’gâng kan Chính trị mpeh khoa học công nghệ, rgâl mhe mĭn kan n’hanh rgâl mhe rnoh mbrô. Tâm 5 khay bôk năm 2026, nău wăng sa- rêh jêng bâh n’gor geh hun hao ueh, pâl nđaih nău geh rlău 2.188 rmen prăk, geh an tơm prăk ngih dak rlău 14.930 rmen prăk, rlău đah nău mpŏng kan Trung ương pă kao. Đồng chí Nguyễn Văn Quảng đă n’gor Lâm Đồng an geh doh rklaih nău tay nău jêr mpeh pă nău dơi, pă nău kan, rgâl mhe nău hun hao ndrel đah rgâl mhe rnoh mbrô, n’hao nău dơi geh pâl nđaih, tuch tăm công nghệ mhe n’hanh nău wăng sa ueh nđir.