Aơ lah rơh hăn khâl ngăn lor bôk năp bah nuĭh mât bôk Đảng, Ngih dak Việt Nam tât Thái Lan lôch Đại hội XIV bah Đảng n’hanh lôch dăp rgum kruanh rđău kan mhe bah Việt Nam dơi ăp tŏng.

Dŭt njrăng uănh khlay, Thái Lan lah dak ASEAN lor bôk năp dơi Tổng Bí thư, Kruanh dak sơch hăn khâl ngăn tâm rêng kan tâm boh gưl têh ta nkual. Hăn khâl ƀư tâm năm bar dak nkah ndray 50 năm njêng tâm boh n’hanh lôch rnôk Việt Nam - Thái Lan n’hao tâm boh têh jong lam lĕ rngôch tâm khay 5/2025. Hăn khâl dơi mpŏng njêng suan ntrôl mhe ntrŭt ntrôl tâm boh bar dak nar lơn ma ngăn ngăn, jru hvi, rgop uĕh tâm đăp mpăn, bah tâm lơh tâm su n’hanh hun hao bah nkual ASEAN.