Aơ lah nkô̆ dơi âk nuĭh rgum mbơh rblang ta tâm nchră khoa học gưl n’gor tă bah Nhih nti Chính trị n’gor Dak Lak ƀư ôi 27/5. Lôch dăp rgum, lam n’gor hŭch ntơm bah 184 jŭr hôm 102 nhih pah kan gưl xã, nkre âk nău kan gưl nkuâl dơi njŭr tâm dâng đŏng.

Bol ma kơt nê, rnoh dơi nkra ƀư siƀŭt di nar ton nha hôm geh rlău 97%, rlău 83% hồ sơ dơi nkra ƀư bah ngai. Âk nău rgop an lah gưl xã dôl mô tŏng nuĭh kan way blău kan ta ăp trong kan prăk kaih, neh ntu, ntuh kơl, công nghệ thông tin. Groi Kruanh mpôl way rnâng kan Mpôl đại biểu Quốc hội n’gor Nguyễn Thị Thu Nguyệt dăn đă ơm geh trong ntop kơl tâm di gay kân jâng n’hanh wăch rgum nuĭh kan săk blău âk sĭt kan tâm dâng.