Rơh tât pah kan geh tâm rnôk nău tâm boh kan Việt Nam- Singapore hun hao ueh ta âk trong kan đah nău tâm knơm chính trị geh ndâk nsơm tay bâh ăp rơh tât khâl, tâm mâp gưl têh ƀa ƀơ. Singapore aƀaơ lah nuĭh ntuh kơl ASEAN dŭt têh ngăn ta Việt Nam, tâm nĕ ăp nkual công nghiệp VSIP dơi geh uănh lah nău ntĭt tâm kơl an geh săk rnglăy đah 2 dak. Singapore lah ngih dak bôk năp njêng nău tâm boh kan tâm kơl kan wăng sa rnoh mbrô- nău wăng sa nđir đah Việt Nam, pơk âk trong nkhêp mhe tâm kơl kan tâm rơh rgâl mhe rnoh mbrô, rgâl mhe nău kan, ŭnh nar kloh ueh n’hanh tâm rdâng đah rgâl trôk nar mih sial. Ngăn lah, aơ lah rơh bôk năp du hê Tổng Bí thư, kruanh dak Việt Nam ntoh ngơi leo bôk nău kan ta rơh tâm nchră ShangriLa.