Nghị quyết geh tam bah lơ 5/6/2026, đah âk trong ƀư ntop kơl mhe, rƀŏng tât mât njrăng drăp ndơ du trong ngăn ngên n’hanh nâp nâl lơn. Nghị quyết rgum tâm 5 rmôt nkô̆ khlay geh ntop kơl trêng ntĭm, rdâk ƀư ntŭk văn hóa chĭng gông, ntop kơl nău ƀư câu lạc bộ, nkra jay nhih n’hanh ntŭk ntô nsum mpôl hăn ndrel đah pâl nđaih, nkre ntrôl dăng rgâl mrô gay mât ndrăy ntŭk ntô văn hóa.

Tĭng nghị quyết, Dak Lak mbra ntop kơl đêt ngăn 80.000 prăk/nuĭh/nar prăk sa n’hanh prăk hăn trong an nuĭh nti râng ăp jrô nti trêng ntĭm chĭng gông ta ntŭk gŭ rêh; 200.0000 prăk/nar đah nuĭh râng kơp, samƀŭt sam tra, njroh mprơ rhŏ an rhôp nău, chŭp rup. N’gor ntop kơl 5 rkeh prăk/câu lạc bộ/năm, nkre tâm pă prăk rwăt chĭng gông, kho ao n’hanh ndơ rhôp nău. Ăp câu lạc bộ văn hóa dơi geh nău kơl an geh đêt ngăn 10 nuĭh n’hanh rgum rƀŭn ăp rơh đêt ngăn 1 rơh du khay. Hăn ndrel mât ndrăy văn hóa chĭng gông đah hun hao pâl nđaih nsum mpôl, n’gor Dak Lak nchrăp săch đêt ngăn du ƀon ntoh lư ta ăp xă, phường lĕ geh trong nchrăp gay ndâk njêng ntŭk ntô ƀư ngăn chĭng gông, rgop joi nău rêh an ƀon lan rnoi mpôl đêt ta ntŭk.