Tâm năm aơ, nuĭh ƀon lan mbra dơi but săm dơm ji tă bah prăk ngân sách trok tâm. Na nê̆, Bộ Y tế hŏ mbơh săk rhŏ dŏng tâm bôk nău kan but săm n’hâm suan tât leh lam dak, dŏng ntơm bah năm 2026. Rnoh but săm lĕ ma nội khoa, tôr muh rmlông ko, uănh năl mham, dak chrach n’hanh chụp X-quang play nuih klơm soh, gay uănh năl lor ăp nău ji way geh hô kơt play nuih, chrach njŭng, klơm leh.

Lôch but uănh, nuĭh ƀon lan dơi mbơh nti tĭng groi nđôi mô lah njuăl hao chuyên khoa lah saơ nău tât ndal. Nău but săm nchrăp ƀư ta nhih dak si xã, phường gay đăp mpăn tât lam hvi; nhih dak si bah lơ mbra ntop kơl rnôk ntŭk kan dak si mô tŏng nuĭh kan mô lah ndơ dŏng but săm. Rlău ma rmôt mô hŏ geh BHYT, rnăk dơi kơl, nuĭh geh n’hâm suan mpeh săk nuĭh an ƀư lor đŏng, tâm rnôk nê nuĭh kan dơi but săm tât leh tĭng quy định êng. Trong kan dja kơl nuĭh ƀon lan ơm năl saơ ăp nău ji way geh âk kơt chrach njŭng, play nuih, djôr leh klơm, nkre ƀư jêng ngăn ngăn rnoh tât rong dơm prăk dak si tâm năm 2030.