Mpla nsơ rup tâm nđŭr hữu nghị Việt Nam-Hàn Quốc ta Dak Lak
Thứ tư, 09:12, 13/05/2026
VOV Tây Nguyên/Nuĭh rblang: Y Sưng Phê Ja
VOV Tây Nguyên/Nuĭh rblang: Y Sưng Phê Ja
VOV.M’nông - Nar nđaơ (12/5), ta Bảo tàng n’gor Dak Lak, Hội Nghệ sĩ Chŭp rup Việt Nam tâm rgop đah Mpôl Chŭp rup Hàn Quốc n’hanh Hội Văn học Nghệ thuật n’gor Dak Lak ƀư ntơm mpla nsơ rup tâm nđŭr hữu nghị Việt Nam-Hàn Quốc.
Đah bôk nău “Boăt nthoi nău uĕh ơm”, mpla nsơ nkoch tât ƀon lan 100 păng rup bah nghệ sĩ 2 dak Việt Nam n’hanh Hàn Quốc.
Tâm nĕ, geh 60 tác phẩm bah ăp nghệ sĩ Hàn Quốc nkoch nău uĕh ơm, văn hóa n’hanh kon nuĭh ntŭk Kim Chi; 40 tác phẩm bah ăp nghệ si Việt Nam rgum nkoch ntŭk uĕh, nău rêh văn hóa n’hanh nău rgâl bah nkual neh Dak Lak lah êng, Tây Nguyên lah nsum. Tĭng wa Hồ Sỹ Minh, Groi Kruanh rnâng kan Hội nghệ sĩ Chŭp rup Việt Nam, mpla nsơ lah nău ƀư geh nkô̆ tâm trong tâm nđŭr văn hopá nghệ sĩ chŭp rup 2 dak, rgop ƀư jru lơn tâm boh Kan ndrel lĕ rngôch Việt Nam-Hàn Quốc.
Viết bình luận