Nău kan geh lĕ rnoh ntuh kơl klâp ma 500 rmen prăk, tâm nĕ rơh bôk năp lĕ ntuh kơl an klâp ma 200 rmen prăk ta rnoh neh 2,9 ha. Ăp ntŭk geh ntŭk gŭ rlu bungalow pĭt dak me, ntŭk rlu rlău, ntŭk pâl ta dak ndrel đah ăp nău pâl rlưn êng, ndơ ngêt sông n’hanh ntŭt chup rup. Nkual pâl nđaih geh mpŏng pơk trong jêng ntŭk rlu rlău, ndơ ngêt sông ueh êng, ntŭk bu năch mbra dơi lăp gŭ ndrel đah ntŭk bri si gle, joi tay nău tâm ban tâm nău rêh. Tĭng nău mbơh bâh UBND xã Măng Đen, ăp nău kan lăp kan mbra ntop tay nău kan, n’hao nău geh an ƀon lan, nkre lah n’hao nău hun hao wăng sa- rêh jêng tĭng trong nâp nâl ma hôm nha pơk trong ntŭk rlu rlău, nău kan mhe nău pâl mhe an bu năch rnôk tât ta Măng Đen, ngăn lah ta ăp rơh rlu.